Հաճախակի տրվող հարցեր անտիֆրիզների վերաբերյալ
Shell Coolant անտիֆրիզը բարձրորակ հակասառիչ նյութ է, որը գերազանցում է մարդատար մեքենաներից մինչև ծանր աշխատանքային մեքենաների ժամանակակից շարժիչների համար սահմանված խստագույն պահանջները: Ստացեք փորձագիտական խորհրդատվություն անտիֆրիզ նյութերի վերաբերյալ մեր Հաճախակի տրվող հարցեր էջի միջոցով: Բացահայտեք ձեր բոլոր հաճախակի տրվող հարցերի պատասխանները և թույլ տվեք ձեր ավտոմեքենայի շարժիչին աշխատել սահուն կերպով:
Ի՞նչ տարբերություն կա գունավոր և անգույն պրոդուկտների միջև։
Ի՞նչ տարբերություն կա գունավոր և անգույն պրոդուկտների միջև։
Շարժիչի անտիֆրիզ նյութի գույնը հաճախ ավելացվում է տվյալ անտիֆրիզի նույնականացման և բրենդավորման նպատակով: Այն չի ենթադրում տվյալ նյութի ֆունկցիոնալ տարբերություն: Անտիֆրիզ արտադրողները կարող են օգտագործել տարբեր հավելումային փաթեթներ, հակաքայքայիչ ինհիբիտորներ և հիմնական հեղուկներ՝ պահպանելով գույնը որոշակի ապրանքանիշի և ստանդարտի համար: Մշտապես ստուգեք արտադրանքի տեխնիկական տվյալների թերթիկը, եթե կիրառության համար պահանջվում են հատուկ ստանդարտներ կամ հավաստում: Այս տվյալները և ինհիբիտորների տեխնոլոգիայի տեսակի վերաբերյալ տեղեկությունը կարելի է գտնել այստեղ:
Ի՞նչ է նշանակում մանուշակագույն անտիֆրիզ։ Արդյո՞ք այն օրգանական է։
Ի՞նչ է նշանակում մանուշակագույն անտիֆրիզ։ Արդյո՞ք այն օրգանական է։
Չնայած մանուշակագույն անտիֆրիզը հաճախ ցույց է տալիս օրգանական թթվային տեխնոլոգիայի (OAT) հավելումների առկայությունը, անհրաժեշտ է ստուգել այն նախքան օգտագործումը: Չի կարելի ընդունել գույնը որպես չափանիշ։ Մանուշակագույն անտիֆրիզը պարզապես նշանակում է, որ տվյալ բանաձևին ավելացվել է մանուշակագույն երանգ, և խառնուրդը պատրաստողի հայեցողությամբ է որոշվում երանգի ընտրությունը։ Քիմիական բովանդակությունը կարելի է գտնել տեխնիկական տվյալների թերթիկի և պիտակի վրա: Մշտապես ստուգեք արտադրանքի տեխնիկական տվյալների թերթիկը, եթե կիրառման համար պահանջվում են հատուկ ստանդարտներ կամ հավաստում:
Արդյո՞ք գույնը նշանակում է, որ տվյալ պրոդուկտն ունի այլ որակ կամ տարր։
Արդյո՞ք գույնը նշանակում է, որ տվյալ պրոդուկտն ունի այլ որակ կամ տարր։
Ոչ, անտիֆրիզի գույնն ուղղակիորեն չի նշանակում արտադրանքի որակ կամ հատուկ հատկանիշներ: Մշտապես ուսումնասիրեք արտադրողի առաջարկը կոնկրետ ձեր ավտոմեքենայի շարժիչի համար: Երանգն ընտրվում է արտադրողի կամ խառնուրդն իրականացնող անձի հայեցողությամբ։
Արդյո՞ք տարբեր գույների անտիֆրիզները կարելի է խառնել։
Արդյո՞ք տարբեր գույների անտիֆրիզները կարելի է խառնել։
Ընդհանուր առմամբ, խորհուրդ չի տրվում խառնել անտիֆրիզի տարբեր գույներ, քանի որ տարբեր հավելումներ և հակաքայքայիչ ինհիբիտորները կարող են հանգեցնել անբարենպաստ հետևանքների։ Եթե ձեզ անհրաժեշտ է լիցքավորել կամ փոխել անտիֆրիզը, պարզեք, թե որ ինհիբիտոր տեխնոլոգիան կամ ստանդարտն է պահանջվում ձեր ավտոմեքենայի դեպքում: Տարբեր անտիֆրիզների խառնուրդը կարող է առաջացնել անցանկալի գույներ (մուգ շագանակագույն և շագանակագույն), որոնք կարող են տեղի տալ մտածելու, որ տվյալ հակասառեցման համակարգում առկա են տեխնիկական խնդիրներ։ Եթե չեք կարող ստանալ նույն հակասառեցման տեխնոլոգիան և նույն գույնը, դուք կարող եք ամբողջապես դատարկել համակարգը՝ գույների խառնումից խուսափելու համար: