Մեր ծառայությունների հասանելիությունը
Shell-ում մենք ցանկանում ենք, որ մեր կայքերի և հավելվածների յուրաքանչյուր այցելու իրեն հարմարավետ զգա և ստանա դրական ու լիարժեք փորձառություն։
Մենք ակտիվորեն կիրառում ենք բազմազան պահանջմունքներ հաշվի առնող մոտեցում և օգտագործում մատչելիության տեխնոլոգիաներ՝ պահպանելով W3C WCAG 2.2 A և AA ստանդարտներն ու ուղեցույցները:
Մեր կայքերն ու հավելվածները թույլ են տալիս գտնել անհրաժեշտ տեղեկատվությունը, միանալ հավատարմության ծրագրին, ստանալ բոնուսներ, ինչպես նաև ծանոթանալ մեր ապրանքատեսականուն։ Որոշ ծառայություններից օգտվելու համար կարող է պահանջվել անձնական հաշվի (օգտահաշվի) ստեղծում։
Մեր պարտավորությունները
Shell-ում մենք ձգտում ենք ապահովել մեր ամբողջ բովանդակության և դիզայնի մատչելիությունը: Առաջնահերթություն տալով մատչելիությանը՝ մենք ձգտում ենք մեր վեբկայքը դարձնել հարմարավետ և հասանելի բոլոր օգտատերերի համար: Մեր ծառայությունները համապատասխանում են մատչելիության պահանջներին, ինչը հնարավորություն է տալիս օգտատերերին՝
- Կարգավորել գույները, կոնտրաստը և տառատեսակները՝ կայքի ընթերցելիությունն ու հասանելիությունը բարելավելու համար։
- Հարմարավետ դիտել կայքը շարժական սարքերում ինչպես ուղղահայաց, այնպես էլ հորիզոնական դիրքով։
- Մեծացնել մասշտաբը մինչև 400%՝ առանց տեքստերի վերադրման (ծածկման) կամ հստակության կորստի։
- Օգտվել կայքի բովանդակության մեծ մասից էկրանի ընթերցման ծրագրերի միջոցով, ինչպիսիք են՝ Narrator, JAWS և NVDA։
- Տեղաշարժվել կայքում օժանդակ տեխնոլոգիաների օգնությամբ։
- Դիտել տեսանյութերի մեծ մասը ենթագրերով (subtitles) և տեքստային վերծանումներով (տրանսկրիպտներով)։
Մենք կենտրոնացած ենք տեղեկատվությունը պարզ և հասկանալի ձևով ներկայացնելու վրա: Տրամադրում ենք տեղեկատվություն հասանելի տեքստային ձևաչափերով, որոնք աջակցում են օժանդակ տեխնոլոգիաներին:Սա հնարավորություն է տալիս բովանդակությունը ներկայացնել տարբեր եղանակներով, օրինակ՝ տեսողական, լսողական կամ տակտիլ/շոշափելի՝ օգտագործելով ընթեռնելի տառատեսակներ, բավարար կոնտրաստայնություն և կարգավորվող միջտողային տարածություններ՝ համապատասխանեցված անհատական կարիքներին և օգտագործման պայմաններին:
Մեր մոտեցումը
Մեր ծառայությունների մատուցման գործընթացը ներառում է կանոնավոր գնահատումներ և թարմացումներ՝ մատչելիության չափանիշներին համապատասխանությունն ապահովելու համար:
Մեր թվային բովանդակությունը մշտապես վերահսկվում է, որպեսզի հնարավոր խնդիրները հնարավորինս արագ հայտնաբերվեն և շտկվեն։
Մեր ծառայությունների համատեղելիությունը
Մեր ներքին և արտաքին կայքերը հնարավորինս համատեղելի են տարբեր բրաուզերների, օպերացիոն համակարգերի և սարքերի հետ, այդ թվում՝ համակարգիչների, նոթբուքերի, պլանշետների և սմարթֆոնների։
Եթե ցանկանում եք Shell-ի կայքերն օգտագործել մուգ ռեժիմով, կարող եք այն միացնել ձեր սարքի կամ բրաուզերի կարգավորումներում։
Մուգ ռեժիմը նվազեցնում է էներգիայի սպառումը և կապույտ լույսի ազդեցությունը։
Հարցեր կամ խնդիրներ
Եթե ունեք հարցեր, առաջարկներ կամ ցանկանում եք մեզ տեղեկացնել որևէ խնդրի կամ անհամապատասխանության մասին, խնդրում ենք [կապվել մեզ հետ]։
Ինչպես դարձնել էջերն ավելի հեշտ ընթեռնելի
Եթե տեքստը չափազանց փոքր է, կարող եք մեծացնել էջի չափը։
Chrome, Safari, Edge և Firefox և այլ հայտնի բրաուզերներ թույլ են տալիս հեշտությամբ մեծացնել կամ փոքրացնել էջը՝ մկնիկի կամ ստեղնաշարի միջոցով։
Windows համակարգերում օգտագործեք Control, իսկ Mac-ում՝ Command։
- Սեղմած պահեք Control/Command ստեղնը և մկնիկի անիվը շարժեք վերև կամ ներքև՝ էջը մեծացնելու կամ փոքրացնելու համար։
- Սեղմած պահեք Control/Command ստեղնը և սեղմեք + կամ –՝ էջի չափը փոխելու համար։
Էկրանի խոշորացում
Կարող եք նաև օգտագործել էկրանի խոշորացման գործառույթը։
Windows-ի վերջին տարբերակներում հասանելի է Magnifier գործառույթը, որը թույլ է տալիս մեծացնել էկրանի որոշակի հատվածը։ Անհրաժեշտության դեպքում կարող եք օգտագործել նաև խոշորացման այլ ծրագրեր։
Էկրանի խոշորացման մասին լրացուցիչ տեղեկություններ կարող եք գտնել՝ Windows 11 & Windows 10
Apple-ի Zoom գործառույթը հասանելի է հետևյալ սարքերում՝ iPhone, iPad, Mac, Apple Watch, Apple TV, Apple Vision Pro
Էկրանի ընթերցման ծրագրեր
Էկրանի ընթերցման ծրագրերը վեբ էջի բովանդակությունը կարդում են օգտատիրոջ համար։
Windows-ի օգտատերերը կարող են օգտագործել Windows Narrator գործառույթը, որը էկրանի տեքստը վերածում է խոսքի։ Հասանելի է նաև անվճար NVDA հավելվածը։
Apple-ի սարքերում կարող եք օգտագործել VoiceOver գործառույթը։ Հասանելի են նաև էկրանի ընթերցման այլ ծրագրեր, օրինակ՝ JAWS (Job Access With Speech)։
Android սարքերում հասանելի է TalkBack գործառույթը, իսկ iPhone և iPad սարքերում՝ VoiceOver։
PDF ֆայլերի հասանելիություն
Մենք օգտագործում ենք PDF ֆայլեր՝ մեր փաստաթղթերի ամբողջականությունը և սկզբնական ձևաչափը պահպանելու համար:
PDF ֆայլերը բացելու և դիտելու համար կարող եք անվճար օգտագործել Adobe Acrobat Reader-ի վերջին տարբերակը։
Adobe-ը նաև տրամադրում է տեղեկատվություն էկրանի ընթերցման ծրագրերի միջոցով PDF ֆայլերից օգտվելու վերաբերյալ (PDF)։
Էջը վերջին անգամ թարմացվել է՝ 21 օգոստոսի 2025 թ.